HEALTH DEPARTMENT (In Mizo)

                         Mizoram Health Department hi Department hlun leh upa berte zing a mi niin, document felfai tak awm lo mahse hriat theih chinah E.Christian Harr, Surgeon Captain, Lushai Hills in kum 1896 November ni 22 a Champhai Dispensary a tlawh thu hi chiang takin a lang a. Hei hi Department upa leh hlun a nihzia tarlanna chu a  ni.

                         Hetih lai hian Aizawlah chuan kum 1894 ah khan puan-in kaih hnuaiah ‘Treatment Camp’ chu din a lo ni tawh a, a hnu kum 1896 ah khum 20 awm thei-a upgrade a ni nghe nghe a ni.

                         Hemi hnu hian Dispensary 8 (pariat) lai mai heng khuaah te hian din leh niin khum pawh 6 (paruk) zel awm theia siam a ni a, heng Kolasib, Sairang, Lunglei, Champhai, N.Vanlaiphai, Sialsuk, Tlabung, Vahai leh Tuipang-ahte hian kum 1920 khan din a lo ni tawh a ni.

                         Kum 1947 India Independence  khan Aizawl-ah chuan khum 36 awm theihna siam a ni tawh a, Doctor leh thawktu dangte indaih lo chung pawhin Health Department pumpui chu Civil Surgeon pakhat (1) in Aizawl chu base a hmangin a awp a. SDMO pakhatin Lunglei base a hmangin a awp bawk a ni. Mizoram chu District Council-a a lo awm tan kum 1952 khan Public Health Dispensaries 7 (pasarih) leh PHC 3(pathum) te hawn belh a lo ni leh a. Travelling Dispensaries 7 te chu rambuai avang khan tihtawp a lo ni ta bawk a ni.

                         Kum 1972, January ni 21, U.T kan nih atang khan Minister, Secretary leh Director te a hrangin kan lo nei ta a ni.

                         Minister hmasa ber              :           Pu Vaivenga   (1972-1974)

                        Secretary hmasa ber             :           Pu SR Vala, IAS

                        Director hmasa ber               :           Dr. Thantluanga (1.12.72 - 10.1.74)

                         Tunah hian H&FW Department hnuaiah hian sanction post 4217 awmin staff strength hi 3823 a ni a, hnathawktu hi Director 1, JDHS-3, DDHS-5, CMO-9, ADHS-2, SMO-10 bakah Medical Superintendent -1, DMS-4 leh Sr. Specialist te, Specialist, MO leh Officers leh Staff - 3823 te hian Mizoram mipuite hrisel nan hna an thawk mup mup reng a ni.

                         Kum 1950 ah thla 12 chhung Dai Training Course chu Aizawl Hospitalah hawn tan a ni a, kum 1959 ah chuan Dai 101 lai mai train chhuah tir an ni. Kum 1957 ah ANM kum 2 course hawn tan a ni a. Hengte hi Community Health lam a thawktute an ni. Kum 1977 ah Multipurpose Workers Scheme hi hman tan a ni a, ANM Training School pawh chu Health Workers School ah kum 1980 khan siam tan a ni bawk.

                         Tunah hian State Hospital 1 (pakhat) leh District Hospital 7, CHC 9, PHC 57 leh S/C 366 leh Clinic 78 lai mai a lo awm reng tawh mai a ni.

                         Hetiang hi Health Indicators value chu a ni :- 

                       Population  - 888573 (2001)

            1. Doctor population ratio                           -           2623

            2. Nurse population ratio                            -           666

            3. Health Workers population ratio           -           1167

                         Tin, khua 817 lai mai covered a nei bawk a, heng khua 817 leh mipui nuaih 10 chuang zet maite hi hnathawktu mi 3823 lek te hian an enkawl mek a ni.

                         Health Department hnuaiah hian hna leh a siper tam tak a awm a, programme hrang hrang 15 aia tam mah a awm a, Budget pawh hi buaithlak tham a tling a, Health & Family Welfare hi Budget ah chuan ‘MEDICAL’ tih a ni a, Demand No-24 ah dah a ni. Major Head 2 a ni a -

                         1.  2210 - Medical and Public Health,                         2.  2211 - Family Welfare te an ni.

                         He Department pawh hi Govt. of Mizoram (Allocation of Business) Rules 1987 in Department a puang daih tawh a, a tihtur bik/hna chanpual pawh hengte hi a ni -

                        1.   Administration of Govt. Hospital, Dispensaries, Primary Health Centre.

                        2.   Prevention of Food Adultaration.

                        3.   Drugs Control etc.

                        4.   Implementation of National Scheme in Health & Family Planning.

                        5.   Administration of Medical Services.

                        6.   Indian Lunacy/Poison Act.

                        7.   Maternity and Child Health Programme.

                        8.   T.B, Leprosy and Malaria Control Programme.

                        9.    Matters relating to Indian Medical Association (IMA).

                        10. Health Education Scheme.

                         Hengte hi a tlangpui lawrkhawm, Dan-in a tukte bakah Nutrition lam te, Indian Red Cross Society te, ICDS lam te, Cancer te, Trauma te, Medical lamte bakah zirna sang zawk Medical  Sciences Training lamte a la khawih tho a, a hna hi a hautak em em a ni.

                        Asian Development Bank kal tlangin heng PHC-a Doctor awm lohna ahte hian Medical Officer Rs. 50,000/- p.m. hlawh a rawih tum mek a ni a, tin, hnathawktu dangte pawh pawisa awm anga rawih tum zel a ni.

Back